- Título da charla: Exploración de modelos masivos en tempo real
- Conferenciante: Alberto Jaspe Villanueva, experto en visualización e gráficos en contornas masivas
- Data: 2 de abril de 2025
- Horario: 18:30 - 20:00
- Lugar: Aula 3.3 (MUEI)
Alberto Jaspe Villanueva é un investigador experto en computación gráfica e visualización científica. Dentro destas áreas, especialízase en computación e exploración en tempo real de modelos visuais masivos. A súa investigación abarca desde a adquisición de datos ata a visualización interactiva de grandes volumes de información. É doutor en Informática pola Universidade da Coruña e traballou en institucións de prestixio como CRS4 en Sardeña (Italia). Actualmente desenvolve o seu traballo no High-Performance Visualization Group da King Abdullah University of Science and Technology (KAUST).
KAUST é unha universidade privada de investigación situada en Arabia Saudita, recoñecida ao máis alto nivel internacional polo seu enfoque na ciencia e a tecnoloxía.
Nesta sesión, Alberto Jaspe abordará os desafíos e solucións para a exploración de modelos masivos en tempo real, unha problemática clave na visualización científica, realidade virtual e simulacións a gran escala. Discutiranse técnicas avanzadas de renderizado e optimización computacional que permiten visualizar grandes volumes de datos de maneira eficiente.
Aínda que esta charla está enmarcada na materia "Interacción, Gráficos e Multimedia", está aberta a todos os profesionais e académicos interesados tanto na visualización de modelos complexos como no tratamento eficiente de datos masivos. Ademais, Alberto proporcionará a súa experiencia pre e posdoutoral a nivel internacional, o cal é moi interesante para todos os alumnos de máster.
