Contaremos coa presenza de Brais Méndez Ferreiro, CEO de Docuten, quen compartirá con nós a súa traxectoria ao fronte dunha das startups galegas con máis proxección no ámbito da transformación dixital.
Na charla “Iniciativas de emprendemento: Docuten”, Brais explicará como xurdiu a idea, os retos aos que se enfrontaron no proceso de consolidación, e como conseguiron posicionarse como un referente na dixitalización de procesos administrativos para grandes empresas. Con presenza tanto nacional como internacional, Docuten traballa con clientes como Estrella Galicia, Desigual ou Abanca, apostando pola automatización mediante sinatura dixital, facturación electrónica e xestión de cobros.
Ademais do seu perfil como enxeñeiro e emprendedor, Brais achegará unha visión práctica e realista sobre como transformar unha idea nun proxecto empresarial viable no sector TIC.
Unha oportunidade única para coñecer en primeira persoa o camiño do emprendemento desde Galicia cara a Europa.
