¿Interesado en emprender? Non perdas o 8 de novembro de 2024 ás 17:00 a oportunidade de escoitar a un dos nosos, Daniel Pardo Rus, egresado do Máster en Enxeñaría Informática e cofundador de Innogando, unha startup líder en tecnoloxía aplicada ao sector agropecuario. No marco da materia de Autoemprego e Emprendemento, Daniel contaranos como está a ser a súa viaxe desde a aula ata dirixir a área tecnolóxica dunha empresa innovadora.
Esta charla promete ofrecer unha visión auténtica sobre os retos e as satisfaccións do emprendemento no sector tecnolóxico. Agardámoste na aula 3.1 da Facultade de Informática (FIC).
