Visítannos Ignacio Molinelli Fernández, fundador & CEO de IGASOFT e Tech Lead en Texas Control, e Alba Catoira Franco, Cloud Developer & Consultant en Tokiota, cunha traxectoria de máis de 15 anos como enxeñeira de software, para ofrecernos unha visión práctica sobre a evolución das arquitecturas de software cara aos microservizos na nube.
Na charla titulada “Arquitecturas en la nube: de monolitos a microservicios”, os poñentes afondarán nas transformacións que están a experimentar as aplicacións modernas, pasando de enfoques monolíticos tradicionais a ecosistemas distribuídos baseados en microservizos. A sesión abordará os beneficios desta transición, así como o seu impacto no deseño, desenvolvemento e despregamento de solucións actuais na nube.
A partir da súa experiencia directa en proxectos reais, tanto no ámbito galego como nacional, compartirán retos técnicos, aprendizaxes clave e boas prácticas aplicadas nos seus respectivos contextos profesionais: o desenvolvemento a medida (IGASOFT) e a consultoría cloud de vangarda (Tokiota).
Unha excelente oportunidade para coñecer de primeira man como se aplican estas arquitecturas no mundo profesional e para inspirarse en traxectorias técnicas con forte base práctica.
🔗 Perfil de Ignacio Molinelli en LinkedIn
🔗 Perfil de Alba Catoira en LinkedIn
